ភ្នំពេញ: រាជធានីភ្នំពេញនឹងបើកដំណើរការអនុវិទ្យាល័យឡើងវិញក្នុងពេលឆាប់ៗ។ ក្រសួងអប់រំយុវជននិងកីឡាបានប្រកាសថាការចាក់វ៉ាក់សាំងដូសជម្រុញនឹងចាប់ផ្តើមសម្រាប់បុគ្គលិកគ្រប់ជាន់ថ្នាក់ចាប់ពីថ្ងៃទី៣០ ខែសីហា ឆ្នាំ២០២១ ដល់ថ្ងៃទី០៤ ខែកញ្ញា ឆ្នាំ២០២១។ ការប្រកាសនេះត្រូវបានធ្វើឡើងនៅរសៀលថ្ងៃសុក្រហើយបញ្ជាក់ថាបុគ្គលិកទាំងអស់គិតចាប់ពីឋានៈប្រធាននាយកដ្ឋានចុះរហូតដល់មន្ត្រីជាប់កិច្ចសន្យាមានសិទ្ធិទទួលបានការចាក់វ៉ាក់សាំង រួមទាំងគ្រូបង្រៀននៅសាលារដ្ឋទាំងអស់ប៉ុន្តែមិនគិតបញ្ចូលគ្រូបង្រៀននៅតាមសាលាឯកជនទេ។
ការចាក់វ៉ាក់សាំងដូសជម្រុញនឹងត្រូវដាក់ឱ្យដំណើរការពេញមួយសប្តាហ៍ក្រោយនៅមន្ទីរពេទ្យកុមារជាតិ។ វ៉ាក់សាំង AstraZeneca នឹងត្រូវប្រើជាដូសជម្រុញសម្រាប់គ្រូសាលារដ្ឋនិងមន្រ្តីអប់រំដទៃទៀតដែលបានចាក់វ៉ាក់សាំងស៊ីណូហ្វាំឬស៊ីណូវ៉ាក (Sinopharm or Sinovac) កាលពីដើមឆ្នាំនេះ។
ក្រសួងអប់រំបាននិងកំពុងរៀបចំផែនការយ៉ាងខ្ជាប់ខ្ជួនសម្រាប់ការបើកសាលារៀនឡើងវិញជាបន្តបន្ទាប់ដោយចាប់ផ្តើមពីអនុវិទ្យាល័យនៅត្រីមាសចុងក្រោយនៃឆ្នាំនេះ។ នេះគឺជាហេតុផលចម្បងនៅពីក្រោយការសម្រេចចិត្តរបស់សម្តេចតេជោ ហ៊ុន សែន ក្នុងការចាក់វ៉ាក់សាំងការពារកុមារអាយុចន្លោះពី ១២ ទៅ ១៧ឆ្នាំ។ ជាង ៦០% នៃកុមារទាំងនោះបានទទួលស៊ីណូវ៉ាក់យ៉ាងហោចណាស់មួយដូសរួចទៅហើយ៕